طريقنا شائك
مستقبلنا قدامنا منوّر
كِـ تنوّر رايتنا
تهزم لابدّ المستعمر
* * *
ظالمنا قزم وجبان
قوتنا فقير وجيعان
رايتنا نمحي الطغيان
ونمحي أصل المتجبّر
* * *
فيق يا عامل، يا فلاح
يجيك نهار وترتاح
بعد الليل يولّي صباح
كِـ تعرف كيفاش إدبّر
* * *
لا يفيد نوم ولا غفلة
لا يفيدك سكات ولا حفلة
مستغلينك ناس سفلة
فيق وكر المستعمر دمّر
* * *
قوم شيّد حياة جديدة
حرّر ملايين عديدة
فُكْ على إيديهم الحديدة
كِـ تجعل من الوعي سلاح
* * *
يا شعبي لا حال يدوم
الإستغلال باش يسقط يوم
نزرع كل الأرض كروم
كِـ تعرف كيفاش إدبّر
-
ليست هناك تعليقات:
إرسال تعليق